Comunu de Mòguru
Fregula sarda cun cordolinu e brodu de brebei
Su chi serbit po 6 persones:
800g de sìmbula
1Kg de cordolinu e 1 Kg de petza de brebei
pagu pagu tzafaranu
pestianga
cibudda
àpiu
pibarda
perdusèmini
tamatiga
Comenti dda fai:
Tocat a pònniri in una pingiada sa petza de brebei o de mascu
crastau segada a incueddus e dda ammantai de àcua, aciungi totu is birduras chi eus scritu asuba (pestianga, cibudda, àpiu
pibarda, perdusèmini, tamatiga) e sali cantu bastat.
Si fait coi sa petza e si imperat su brodu po coxinai sa frègula. Custa depit èssiri fata ainantis primu, in custa manera: tocat a ghetai a bellu a bellu sa simbuledda in unu strèxu de terracota
ladu e bàsciu, a dda sciundi pagu pagu cun àcua salida inui at à èssiri scallau su tzafaranu, e si dda passai in mesu a is didus. A pagu a pafu s’ant a formai de is pibionis chi assimbillant a
cussus de su pìbiri
Imperendi unu ciliru si ndi bogat sa simbuledda chi non s’est ammesturada e apustis si ponit sa fègula in unu pannu de strèxiri a su soli o in una tèllia chi si ponit in su forru, po dda fai sicai.
In una cassarola si fait unu sufritu cun cibudda, allu e pibarda. Si aciungit sa panceta e su cordolinu , si ghetat sa frègula e si lassat arruntzai. Si aunit duncas su brodu e candu sa frègula est giai cota, s’ammantat cun unu pùngiu de pecorinu e perdusemini scirfinai, si ponit su Sali chi serbit e su mandiari est prontu.