Su manìgiu de is parchègius e de sa viabilidadi in is spiàgias de su Comuni de Crabas rapresentat unu sistema de importu mannu po sa garantzia de sa siguresa in strada, de s'òrdini pùblicu, cun efetus sinnificativus fintzas in sa gherra a su fogu e in custu annu po regolamentai s'atzessu e po su respetu de su distantziamentu sotziali, sighendi sa normativa natzionali e regionali po ammenguai s'arriscu de contàgiu de COVID-19.
Non fait a fai a mancu de is resursas chi ant a intrai paghendi su parchègiu, po arrannèsciri a pagai is servìtzius netzessàrius a podi imperai is spiàgias: arregorta de s'àliga, aparixamentu de su terrenu po prus de 30 km, fai funtzionai is servìtzius igènicus, dòcias, manutentzioni, etc.
Non fait a lassai is màchinas in is logus sinnalaus cun cartellonìstica afatenti e cun palus e funis.
CANDU E INNOI
De sabudu 27 de làmpadas 2020, fintzas a domìnigu 27 de cabudani 2020 balit de is 8:00 a is 20:00 sa sosta a pagamentu DE A DE DII e de sa 1:00 a is 08:00 cussa DE A DE NOTI in custas localidadis:
- Santu Giuanni de Sinis - Maimoni - Su Crastu Biancu - Is Arutas - Mari Ermi - Su Portu 'e Suedda (àteras localidadis podint èssiri aciuntas prus a tardu)
Arregordaus ca a Santu Giuanni de Sinis non fait a intrai, foras de is chi sunt autorizaus, a s'inghitzu de sa primu artziada po s'atzessu a su situ archeològicu.
Po àteras informatzionis podeis sighiri custu link.