Sa Giunta Lutzu, a segus de pròposta de s’Assessori a sa Cultura Massimiliano Sanna, at scerau is logus de dedicai a is manifestatzionis culturalis e de recreu.
In sa simana chi andat de su 1 de argiolas a su 30 de cabudani 2020 is operadoris de sa cultura chi ant a fai domanda ant a pòdiri cuncordai is eventus issoru in s'àrea comunali de su SMART a Torangius, in su giardinu d s’Hospitalis Sanct'Antoni, in su tzentru de sa Sa Rodia,in s'aposentu de s' Ex scola elementari de Nuraxinieddu, in s'aposentu de s'ex Ludoteca de Sibì e a Turrimanna in s’Area "Grandi" eventi, in s'aposentu de s'ex scola elementari e e in s'àrea a s'acabbu de sa passillada a mari inui in is annus passaus ant fatu Mondo Ichnusa.
“Eus scerau unus cantu logus chi podint andai beni po is esigèntzias de is operadoris culturalis – narat s’Assessori a sa Cultura Massimiliano Sanna -. Est unu agiudu nou chi su Comunu bolit giai a chi mancai siat traballu meda bolit propòniri eventus e manifestatzionis. Candu eus scioberau is logus, eus pensau a sa tzitadi e finztas a is fratzionis, a logus serraus e abertus. Donaus duncas sa possibilidadi de imperai logus chi arrispetint is normas de siguresa po su covid 19.
“Su 30 de làmpadas scedessint is tèrminus po intregai is istàntzias po àiri cuntributus po fai manifestatzionis culturalis e de recreu e is logus chi eus inditau ant a èssiri assinnaus prusatotu a is benefitziàrius de custus cuntributus - arragordat s’Assessore Sanna -. Boleus sensibilizai totu is chi tenint ideas, e ddus agiudai in s'impìnniu pùblicu e in is dificultadis econòmicas dèpias a s'emergèntzia sanitària, pighendi a cunsideru fintzas ca su setori de sa cultura no at gosau de àterus agiudus e duncas po su chi permitint is resursas de su comunu, circaus de do donai una manu de agiudu.
Is domandas po is fàbricus e is logus comunalis, tocat a ddas presentai a s'Ufìtziu patrimòniu o a su protocollu de su Comunu de Aristanis a custus indiritzus alessandro.aru@comune.oristano.it o protocollo@comune.oristano.it