Is operadoris de su setori chi faint arrosu interessaus a pigai parti a su progetu “LIFE REWET-RICE” intra de su 6 de argiolas depint presentai sa candidadura issoru a su Comunu de Aristanis.
Su Comunu difati, fait parti de unu parternariadu europeu (ndi faint parti Grècia, Spànnia, Itàlia e Fràntzia) chi est apostivigendi una proposta progetuali chi pertocat su bandu “LIFE Nature
& Biodiversity 2020”.
Sa proposta, nomenada “LIFE REWET-RICE”, previdit de scerai is àreas de ecellèntzia inui si produsit arrosu in àmbitu europeu e intra de custas fintzas s'àrea de Aristanis chi assumit unu rolu
crai in su de sperimentai e intrai pràticas nobas po traballai s'arrosu e in su manìgiu a manera sustenìbili de is resursas ambientalis, e po su recùperu de sa biodiversidadi. Su progetu duncas
bolit fai unu liòngiu, gràtzias a sa partecipatzioni de is massaius localis, intra de sa chistioni produtiva e ambientali e insutzuligai una massaria sustenìbili.
Onni partner de progetu tenit sa tàrea de fichiri in sa fasi de preparatzioni, una “Truma de Massaius de s'arrosu” de su territòriu suu chi at ammostau bolla de fai parti de su progetu.
Su Comunu de Aristanis duncas in unu primu momentu bolit boddiri is candidaduras de is operadoris agrìculus sìngulus o in assòtzius chi bolint agiudai a fai una proposta cun is punnas de su progetu de su bandu “LIFE Nature & Biodiversity 2020”, e si in casu su progetu bèngiat finanztiau chi bolint agiudai a ddu ponni in atu po sa parti de cumpetèntzia issoru.
Tocat a intregai is domandas intra de su 6 de argiolas 2020 a mesu de mail de mandai a europaincomune@comune.oristano.it
Po àteras informatzionis o acraramentus si podit cuntatai su Servìtziu Svilupu e Pianificatzioni Stratègica cell/Whatsapp 340.9115721 o cun una mail a europaincomune@comune.oristano.it
Agatais s'avisu, sa determinatzioni e sa domanda sighendi custu link