![](https://image.jimcdn.com/app/cms/image/transf/dimension=306x10000:format=jpg/path/sa508afa0716a6b0f/image/i34aa73f23d6f8efd/version/1593082535/image.jpg)
S'Unioni Sarda de oi si fait sciri ca su sardu intrat in s'Istitutu Tènnicu "Zappa" de Isili. Cincu studiantis ant a fai s'esàmini de maturidadi in lìngua sarda, apustis de ai furriau in sardu (traballu fatu de dexi studiantis e duus maistus) is versus de unu autori de importu mannu de sa literadura italiana, comenti a Alessandro Manzoni.
Prexaus meda is piciocheddus ca ant biu in custu progetu sa possibillidadi de connòsciri mellus su sardu e de imperai una lìngua in prus po fueddai in scola.
"Sa dificultadi a imperai su sardu, dda fait giai sèmpiri sa scola, ma eus fatu biri ca si podit mudai calincuna cosa" - at nau su maistu Giulio Cadoni .
Cun s'ispera chi non abarrit feti unu progetu, ma chi annu po annu si potzat ammanniai s'imperu de sa lìngua sarda in is atividadis cun is istudiantis.