Apustis de tres mesis de s'inserru suu po nexi de s'apretu de su Coronavirus, mèrcuris 24 de làmpadas ant torrau a aberri a su pùblicu sa Biblioteca Comunali de Biddobrana.
Arrispetendi totu is mesuras de seguresa sa strutura at a abarrai aberta sceti po donai a imprèstidu su materiali e po ndi ddu torrai, totu is mèrcuris de is 3:00 a is 6:30 de merii.
S'at a podi intrai a sa Biblioteca unu a unu (2 candu est minori de acumpangiai). Abetendi de intrai is gosadoris ant a depi abarrai in sa pratza acanta a sa Biblioteca incurendi-sì de abarrai atesu s'unu de s'àteru 1 metru.
Is lìburus chi si torrant acoa tocat de nci ddus poni in sa scàtula a s'intrada de sa Biblioteca e ddus ant a sanificai ponendi-ddus in isolamentu n.72 oras segundu a su chi narant is "Lìnias ghia po is operatzionis de sanificatzioni e disinfetzioni de is ambientis de Archìvius e Bibliotecas e po sa gestioni de is colletzionis insoru, po circai de non s'atacai apari su Coronavirus".
Is gosadoris ant a podi intrai feti cun mascarina e depint impreai sa solutzioni chi igienizat is manus, chi est in s'intrada de sa Biblioteca. Depint abarrai atesu unu metru de su banconi.
Po seguresa non si podint impreai is servìtzius igiènicus.
Po ndi sciri de prus fait a mandai una punta de billetu a posta eletrònica a: biblio.villaurbana@virgilio.it o telefonai a su nùmeru 0783-44233.