COMUNU DE ARRIORA
Provìntzia de Aristanis
DECRETU DE SU SÌNDIGU
000021 de su 24.06.2020
Ogetu: Oràriu estivu 2020. Serrada de is ufìtzius su mèrcuris a merì in is mesis de argiolas e austu
CUNSIDERADA sa possibillidadi, in s’àmbitu de su de ammenguai sa spesa pùblica, de pigai provedimentus po cuntènniri su consumu de energia elètrica in argunas simanas de s’annu, prusatotu in cussas inui ddu at prus pagu genti chi benit in ufìtziu;
PIGAU A CUNSIDERU CA custu enti aberrit is ufìtzius a mengianu de su lunis a sa cenàbura e su lunis e su mèrcuris a merì;
CUNSIDERAU ca in is mesis de argiolas e austu ddu sunt prus pagu impiegaus in is ufìtzius e fintzas prus pagu impitadoris;
RITÈNNIU, sighendi sa normativa apitzus de s’impiticamentu de sa spesa pùblica e de s’imperu de energia elètrica, de pigai provedimentus po milliorai is resursas;
RITÈNNIU duncas oportunu serrai is ufìtzius comunalis su mèrcuris a merì in is mesis de argiolas e austu;
GIAU ATU ca ant a èssiri assiguraus is servìtzius essentzialis e comentisisiat s’at a fai sèmpiri asumancu s’oràriu mìnimu de 36 oras a sa cida;
BIU su regulamentu po su funtzionamentu de is ufìtzius e de is servìtzius;
Biu s’art. 50 comma 7 de su D.Lgs n. 267 chi donat a su Sìndigu sa cumpetèntzia in matèria de oràrius de esercitzius commertzialis, de servìtzius e esercìtzius pùblicus, e de is oràrius de abertura de is ufìtzius pùblicus chi sunt in su territòriu;
DECRETAT
de serrai is ufìtzius a su pùblicu su mèrcuris a merì in is mesis de argiolas e austu
Is Responsàbilis de is servìtzius ant a assigurai is servìtzius mìnimus essentzialis e sèmpiri su respetu de is 36 oras de traballu a sa cida prevididu po is dipendentis etotu;
Còpia de custu decretu at a èssiri apicada in su Cuadru pretòriu de s’Enti, in sa sea de s’Enti e mandada po connoscèntzia a:
Responsàbilis de is ufìtzius – sea;
Segretàriu Comunali;
Carabineris de Arriora;
Prefetura de Aristanis;
Cuestura de Aristanis
Su Sìndigu
Mauro Salvatore Pala