6. S’Artìculu
S'artìculu determinat unu nòmini, est a nai ca ndi spetzìficat is caraterìsticas.
Podit èssiri determinativu e non determinativu.
6.1. Artìculu determinativu
In Campidanesu is artìculus sunt su, sa, is ( in logudoresu su plurali est sos, sas).
a) "su" est masculinu singulari. Ainantis de vocali si podit truncai e si ponnit s'apostrufu.
su pipiu - s'amigu;
b) "sa" est femininu singulari. Ainantis de vocali si podit truncai e si ponnit s'apostrufu.
sa mesa - s'alliga
c) "is" est masculinu e femininu plurali.
is pipius, is amigus, is mesas.
6.2. Artìculu non determinativu
Agataus
a) "unu" est masculinu singulari.
unu babbu, unu ogu (ainantis a vocali si podit scriti fintzas un'ogu);
b) "una" est femininu singulari.
una domu, una ala (ainantis a vocali si podit scriti fintzas un'ala);
c) "unus" est masculinu plurali
unus cantu lìburus;
d)" unas" est femininu plurali.
Candu s’artìculu non determinativu s'agatat cun "cun e in", candu chistionaus pronuntziaus una /d/ eufònica chi peroa podeus fintzas non scriri.
Eus a nai cun d-un'amiga ma eus a scriri cun una amiga; in d-una domu ma scrieus in una domu.