Cuncordada de sa Pro Loco de Siamajore, agiudada de s'Amministratzioni Comunali, giai de su 1992, sa Sagra de sa canciofa dda faint in Siamajore in su mesi de martzu. Su mamentu de prus
importu est s'atòbiu a pitzus de is problemàticas chi pertocant sa canciofa, su traballamentu cosa suu, sa bèndida, su tastamentu de pratus fatus cun sa canciofa; totu acumpangiau de
atividadis culturalis e traditzionalis.
Sa Sagra de sa canciofa duncas, introdùsia in su panorama regionali de is manifestatzionis po amparai is traditzionis, atirat annu po annu sèmpiri prus genti e praxit sèmpiri de
prus.
Su traballu de sa pro loco non bolit feti prumovi sa Sagra de sa canciofa, non est sceti una ocasioni po papai cosa bella ma est fintzas su puntu de partèntzia po ammanniai sa cultura de custu prudutu a manera cumpetitiva e de calidadi.
Sa genti meda chi ònnia annu arribat a Siamajore po afestai custa manifestatzioni cun sa sa bidda, est sa recumpènsia prus manna po totu cussus chi cun s'impìnniu issoru permitint
de fai sa sagra.