Po chini est interessau, aintru de su 3 de trìulas podit manifestai sa voluntadi de pigai parti deretu a sa realizatzioni de is òperas de urbanizatzioni generali de s’àrea territoriali chi interessat sa zona de “Bennaxi” contribuendu in sa misura indicada in sa tabella apòsita in relatzioni a donniunu de is lotus individuaus in su Catastu.
Sa manifestatzioni de interessu previdit s’impènniu a versai su contributu po is òperas de urbanizatzioni generali in custas formas:
In una solutzioni sceti, cun bonìficu a favori de su Comunu de Aristanis - Servìtziu Tesoreria IBAN IT 69 H 01015 17400 000070686334
Rateizau garantiu de fidejussioni bancària o assicurativa, pratzendu su contributu in 4 ratas semestralis de cifra oguali;
Sa partecipatzioni a is spesas de parti de s’Amministratzioni Comunali at a pòdiri èssiri definida in relatzioni a totu sa cifra de is cuotas de contributu nominali chi at a bènniri de is manifestatzionis de interessu chi ant a èssiri formalizadas. A dònnia manera, su Comunu at a pigai parti a is spesas po su coordinamentu de s’initziativa, e fintzas a is spesas tècnnicas po sa progetatzioni, diretzioni de is trabballus e collàudus, e in prus a cussas chi podint serbiri po is protzeduras de afidamentu de is trabballus.
Sa costitutzioni de unu Cunsòrtziu de su Comunu, lotizantis e proprietàrius chi ant a dichiarai su interessu insoru, s’at a fàiri in forma semprificada, cun un’àutu amministrativu àpositu chi at a cuntènniri s’elencu de is chi pigant parti e is cuotas de contributu in prus su cronoprogramma de interventu.
Sa manifestatzioni de interessu at adèpiri èssiri torrada cumpilendi su mòdulu acapiau aintru su 3 de trìulas 2020, cunsenniendiddu a manu a s’Ufìtziu protocollu in Pratza Eleonora 25, o
mandendiddu cun sa posta indirizada a su Comunu de Aristanis, Pratza Eleonora 09170 Aristanis, o mandau cun sa PEC a s’indirizu: istituzionale@pec.comune.oristano.it.
A pustis de custa data ant a èssiri comunicadas in deretura a donniunu de is chi ant pigau parti is àteras decisionis pigadas de s’Amministratzioni Comunali, fintzas cunforma a su nùmuru de is
adesionis chi ant a arribai.
Informatzionis e crarimentus ant a pòdiri èsseri pregontaus telefonendi de is 9 a is 12, de su lunis a su cenàbara a is nùmurus 0783 791383 Ing. Michele Scanu email michele.scanu@comune.oristano.it o 0783 791260 Ing. Yuri Iannuzzi email yuri.iannuzzi@comune.oristano.it