Cun sa lei ragionali n.44 de su 14 de cabudani 1993 " Giornata del popolo sardo" su Consìgiu Regionali de sa Sardìnnia at istituiu Sa die de sa Sardigna (in tataresu La dì di la Sardhigna, in gadduresu La dì di la Saldigna, in algheresu lo dia de la Sardenya) .
Sa festividadi bolit arregordai sa reghèscia de is sardus de su 28 de abrili de su 1794 chi iat obrigau su vicerè Vincenzo Balbiano a si nci fuiri de Casteddu impari a is funtzionàrius sabaudus, po ai refudau is rechestas de su Rènniu de Sardìnnia de giai càrrigas pùblicas a is sardus e de isituiri unu Consìgiu de Stadu in Casteddu e unu Ministeru po is afàrius de sa Sardìnnia a Torinu. A pustis de ai ammasedau sa rivorta, calchi rechesta beniat acùllia in su 1796.
In custa dìì, is ufìtzius pùblicus de s'ìsula abarrant abertus e serrant feti is iscolas.
Is primus artìculus de sa lei narant aici:
2. In ocasioni de custa ricurrèntzia sa Regioni Autònoma de Sardìnnia cuncordat
manifestatzionis e acadessimentus culturalis.
3. Po custa punna sa Giunta regionali aprovat annu po annu, intèndia sa Cummissione
cunsillari cumpetenti unu programma spetzìficu aprontau de s'Assessori de s'istrutzioni pùblica fintzas sighendi is initziativas inditadas de is entis localis e is assòtzius chena punna de
guadàngiu.
4.Custu programma depit puntai a fai connòsciri sa stòria e is valoris de s'autonomia,
prusatotu intra a is giòvunus.