S'Amministratzioni Comunali bolit cuncordai su Servìtziu de Animatzioni de s'Istadi 2020 po is minoris chi tenint s'arresidèntzia in su Comunu de Sabarussa chi in s'annu scolàsticu 2019/2020 ant frecuentau sa Scola Materna, sa Scola Primària e sa Scola Segundària de I gradu.
Is atividadis s'ant a fai in su mesi de trèulas, arrispetendi totu sa normativa po non s'atacai s'unu cun s'àteru su Covid-19: is intradas a is atividadis ant a essi a grupus a grupus, s'at a mesurai sa callentura a totus, totus si depint sciacuai is manus cun sa solutzioni idroalcòlica, portai is mascarinas e abarrai atesu s'unu de s'àteru. S'ant a sanificai comenti si depit totu is logus postus a disponimentu po is atividadis e s'animadori/a at a essi unu/a a cada 5 pipius de sa Scola Materna, unu/a a cada 7 pipius de sa Scola Primària, unu/a a cada 10 minoris de sa Scola Mèdia. Cunsiderau s'apretu de cuncordai a fini a fini totu is atividadis, tocat a cumpilai unu mòdulu de preadesioni de intregai aintru de su 26 de làmpadas a su Comunu, ponendi-ddu in sa cascita aposta o mandendi-ddu a posta eletrònica.