Is sugetus chi bolint abèrriri tzentrus estivus po pipius e piciocheddus, depint presentai unu progetu apòsitu a su Comunu de Aristanis, a su mancu dexi diis innantis de cumentzai is atividadis.
Su progetu depit arrispetai is lìneas ghia stabilèssias de su DPCM de su 17 de maju 2020 (alligau 8) e de s'ordinàntzia de su Presidenti de sa Regioni Sardìnnia n. 23, depit arrispetai su protocollu sanitàriu e su patu cun is famìllias pregonau de sa Cummissioni servìtzius sotzialis de su Comunu de Aristanis e chi est disponìbili in su situ istitutzionali.
Su progetu depit èssiri mandau a sa ASSL (igienepubblica.oristano@atssardegna.it) po èssiri averiguau e aprovau.
Po fueddai cun su Comunu de Aristanis podeis scriri a sa mail protocollo@comune.oristano.it, o tzerriai a is nùmerus 0783 791311 e 0783 791480, ufìtziu polìticas giovanilis.
Agatais is allegaus chi sighint, andendi a custu link
- Lìneas ghia tzentrus estivus
- Ordinàntzia Presidente de sa Regione n. 23 de su 17 de maju 2020
- Patu cun is famìllias
- Protocollu sanitàriu