Is domus campidanesas
Agoa de sa crèsia si strantaxat Casa Carta, de su de XVII sec., fràigu antigu chi fiat una residèntzia aristocràtica e oi est sea de s'Hotel Lucrezia de propriedadi de sa famìllia Carta. Sa domu est tìpica campidanesa, espressioni de sa genti prus arrica e nòbili de sa bidda. Aintru ddu at una strutura tìpica de custas domus, sa lolla, cun sa funtana po ndi liai s'àcua e a ingìriu àterus aposentus po allogai is provistas agrìculas, su binu e is ainas de traballu. Is aposentus po bivi, allumiaus de fentanas retangularis chi s'incarant in sa strada, sunt in duus pranus, sinnali de richesa e nobilesa, biu ca is àteras domus sunt a unu pianu feti.
In sa Via Regina Margherita est presenti una àtera domu sinnorili (acabbu de su de XIX sec.) peroa tenta mali. Sa strutura est in ladiris (mattoni crudi), e s'acotzat a unu tzòculu de pedra amantau de unu arrebbussu biancu.