Sa Giunta Lutzu at aprovau unu provedimentu de grandu importu chi pertocat is àreas demanialis marìtimas in sa borgada marina de Turrimanna e manigiadas de s'Amministratzioni Comunali cun dèlega regionali.
A segus de proposta de s’Assessori a su Turismu Massimiliano Sanna, cun delìbera n. 92 de su 16/06/2020 chi pertocat
s'alladiamentu de sa valididadi de is cuntzessionis demanialis marìtimas po punnas
turìsticu-discansosas po mori de s'intrada in vigori de sa Lei 145/2018, sa Giunta at aprovau is indiritzus a su dirigenti de su setori po atuai is provedimentus netzessàrius a
alladiai is cuntzessionsi po 15 annus.
A pustis de ai publicau is provedimentus dirigentzialis, is sugetus interessaus ant a pòdiri presentai sa rechesta mandendi-dda a s'Ufìtziu Demàniu, cumpilendi su mollu de domanda.
Sèmpiri a segus de proposta de s’Assessori Massimiliano Sanna, cun delìbera n. 93 de su 16/06/2020 chi pertocat s'imperu de is àreas demanialis in sa passillada de Turrimanna - Stasoni de mari 2020, sa Giunta at aprovau is indiritzus a su dirigenti de setori apitzus de is critèrius e is rechisius de sighiri po lassai is autorizatzionis temporàneas in àrea demaniali e po s'iscritzioni a su registru cumenti in s'ex Art. 68 de su Còdixi de Navigatzioni chi fueddat de su positzionamentu de is atividadis de cummèrtziu barracheri e ambulanti.
Mancai non ddui siat una scadèntzia po presentai is istàntzias, su consillu est de intregai is domandas intra de su 30 de làmpadas de manera de fai una primu graduatòria de assinnatzioni de is postas in sa passillada Eleonora d’Arborea.