Su stàniu de Santa Justa s'agatat intra de Aristanis, Santa Justa, su pranu de Cirras a Sud, e su mari e po sa mannesa sua est connotu comenti a su tertzu stàniu de sa Sardìnnia (790 ètaras). Est tundu e sustentau de Pauli Majori, Pauli 'e Figu e àterus canalis agrìculus. .
De pagu tempus sa cummissioni europea dd'at postu in s'elencu de is situs de interessu comunitàriu po sa presèntzia de argunas spètzias de matas e animalis.
Custu sprigu de àcua in is tempus passaus fiat partziu de su mari de dunas eòlicas chi prus a tradu nd'ant sciusciau po ddui fai su mollu de su portu industriali. Fintzas sa foxi dd'ant mudada po ddui fai traballus.
In su stàniu ddu at àcua salia sèmpiri, sa profundidadi mudat de 40 cm fintzas a 1,50 m. In su fundu cosa suu bivint agiummai feti ruppia sp., potomageton sp., e àtera folla birdi de mari de su generi enteromorpha.
Sunt presenti pillonis chi faint su niu comenti a s'anadi conca niedda, sa pudda de àcua, su topi de arriu, sa menga arrùbia e su cau de mari, mentras in is àcuas de su stàniu si piscant prusatotu mugheddu, anguidda e cavuru.