Sa Càritas Diocesana Arburensa, bidendi sa situatzioni econòmica chi nci est in su territòriu andada in peus po nexi de su COVID-19, bolit poni a disponimentu de is piciocus chi stùdiant una bursa de stùdiu po ddis donai sa possibilidadi de sighiri a studiai. Po custa arraxoni proponit:
- unu bandu po assinnai 25 bursas de stùdiu po is chi funt pighendi sa maturidadi in s'a.s. 2019/2020, chi tenint s'arresidèntzia in totu su territòriu de sa Diòcesi de Aristanis, chi si bolint iscriri a unu cursu de Làurea triennali o Làurea magistrali a ciclu ùnicu in s'annu acadèmicu 2020/2021 (is rechestas si podint intregai finas a su 24 de su mesi de ladàmini de su 2020);
- n. 60 cuntributus a su stùdiu po is piciocus chi tenint s'arresidèntzia in totu su territòriu de sa Diòcesi de Aristanis chi ant a pigai su Diploma de acabbu de su primu ciclu de istrutzioni in s'a.s. 2019/2020, de destinai a is spesas scolàsticas (is rechestas si podint intregai finas a su 30 de su mesi de argiolas de su 2020).
Totu is arrechisius e is maneras po intregai sa rechesta funt postus mellus a craru in is bandus chi si podint agatai in su giassu istitutzonali de su Comunu de Sabarussa.