Sàbudu 20 de làmpadas, a is 18, in sa Pinacoteca Carlo Contini de Aristanis s’at a fàiri s’atòbiu arrexonada “Poesia & Fotografia”. S’apuntamentu congruit sa filera espositiva de sa mustra fotogràfica “Sogni meridiani. Viaggio nella poesia contemporanea in Sardegna”
S’atòbiu previdit un’arrexonada cun su contributu de poetas protagonistas de su progetu fotogràficu, interventus de fotografus, ligiduras de poesias, interventus de atoris e de su pùbricu
presenti.
In s’interis poetas e calencunu atori ant a lìgiri poesias in is variantis linguìsticas originalis.
Coordinant s’atòbiu Savina Dolores Massa e Salvatore Ligios
Po pigai parti non si pagat e at a èssiri cunsentiu fintzas a candu non spaciant is postus a disponimentu, sigundu is dispositzionis in vigori.
S’atòbiu est organizau de s’Assessorau a sa Cultura de su Comunu de Aristanis, de sa Fundatzioni Aristanis e de s’Assòtziu culturali Su Palatu Fotografia.
Salvatore Ligios est nàsciu in Biddanoa Monteleone in su 1949 innui bivit. De su 2000 a su 2008 fiat su diretori de su museu Su Palatu, tzentru espositivu specializau in sa fotografia. Medas is
espositzionis in Itàlia e in medas stadus Europeus. In s'ìsula at espostu in medas biddixeddas. Sa lista de librus monogràficus realizaus est diaderus longa meda. De su 2006 a su 2016 fiat su
diretori artìsticu de "Menotrentuno. Festival internatzionali de fotografia. Fotografia europea giòvuna in Sardìnnia”. De su 2008 a su 2015 at imparau Fotografia in s'Academia de Artis Bellas de
Tàtari. De su 2011 est presidenti de s'Assòtziu culturali Su Palatu_Fotografia.
Po info: Pinacoteca Carlo Contini, tel. 0783 791262 / Su Palatu Fotografia, cell. 349 2974 462