Su Comunu de Biddobrana fait sciri a totu is chi funt interessaus ca est inghitzendi su Servìtziu de Animatzioni de s'istadi po Minoris. Su servìtziu est deretu a totu is minoris chi tenint s'arresidèntzia in su Comunu de Biddobrana, chi in s'annu scolàsticu 2019/2020 ant frecuentau sa scola primària e sa scola mèdia.
Su mòdulu de pre-adesioni tocat a nci ddu mandai cun posta eletrònica a info@comune.villaurbana.or.it o a nci ddu poni in sa cascita aposta chi ddui est in su municìpiu, a intru de su 19 de su mesi de làmpadas. Fadendi is atividadis s'ant a assegurai totu is normas po non s'atacai pari pari su COVID-19. Po ndi sciri de prus bai a su giassu istitutzionali de su Comunu de Biddobrana.