Comuni de Sabarussa- Ordinàntzia decoru urbanu

                     Comuni de Sabarussa                             Servitziu Politzia Munitzipali                                           

Ordinàntzia n. 08 de su 21/05/2020

 

 

SU SÌNDIGU

Premìtiu: ca in sa bidda e in is logus acanta, s’agatant àreas e spàtzius de propriedadi privada inui is meris non faint is traballus de limpiadura chi serbint, ocasionendi sa crèscida de erba mala, cresuras e nais chi arribant fintzas a sa strada;

 

Cunsiderau ca custa situatzioni occasionat dannus chi andant a cumprumiti sa siguresa pùblica e su decoru urbanu cun:

 

·         spainadura de is matas e de s’erba mala;

·         spainadura de animalis perigullosus po sa saludi pùblica, prusatotu topis e merdonas, caborus e babballotis velenosus o fastidiosus (es. sìntzula e musca;

·         istrobu po sa sinnalètica stradali, s’illuminatzioni pùblica e stringimentu de sa strada;

·         amuntonamentu de àliga e butori;

·         aumentu de su perìgulu de fogu in s’istadiabi, candu s’erba mala est meda e sica;

 

Cunsiderau ca custas situatzionis, prusatotu candu acadessint aintru de sa bidda, occasionant dannu mannu a s’imàgini de su territòriu, e sunt fintzas unu perìgulu mannu po sa saludi de is tzitadinus;

 

Cunsiderau indispensàbili pigai provedimentus netzessàrius po preveniri situatzionis de perìgulu e de dannu a sa saludi pùblica e fintzas a s’immàgini e a su decoru urbanu;

 

Ritènniu ùtili sensibilizai is meris de àreas privadas a fai is interventus netzessàrius po limpiai giardinus, pratzas e àreas chi sunt in stadu de abbandonu e a cuntrollai a manera fitiana sa crèscida de erba in is terras e pratzas prusatotu in cussas chi s’agatant acanta a sa strada;

 

Biu su Regulamentu Comunali vigenti de Politzia Urbana;

Biu s’artìculu 29 de su D.Lgs. 30/04/1992 n. 285 e s.m.i.

Biu s’artìculu 50 de su D.Lgs. 18/08/2000 n. 267 (T.U.E.L.);

Bius is artt. 192 e 255 de su D.Lgs. 152/2006;

Biu s’artìculu 16 della L. 689/81,

Bida sa deliberatzioni de sa Giunta Regionali n.22/3 de su 23.04.2020 inui ddu at is prescritzionis po cumbati su fogu;

 

 

ORDINAT

 

 

CP – Uff.Pol.Mun..

 

Comune di Solarussa - corso F.lli Cervi, 90 - 09077 SOLARUSSA OR - Tel 378203

·            a is meris e a is allogateris de terras aintru a bidda o acanta in unu ràgiu de 200 mt;

·            a is meris de àreas birdis aintru a bidda o acanta in unu ràgiu de 200 mt;

·            a is responsàbilis de cantieris èdilis abertus de sa data de intrada in vigori de custa ordinàntzia;

·            a is meris de àreas inui non ddu at domus o àterus fàbricus cun depositus temporàneus a s’abertu a manera fitiana;

 

DE PROVIDI INTRA E SENA SARTAI SU 15 DE LÀMPADAS 2020

 

1.    a fresai s’erba mala, a ndi dda liai e a trantziri calisisiat refudu o àliga;

2.     a ndi bogai is lacuneddas de àcua chi podint favoressi s’ispainadura de animalis perigullosus po sa saludi pùblica, prusatotu topis e merdonas, caborus e babballotis velenosus o fastidiosus (es. sìntzula e musca);

3.     a sa reguladura de is cresuras, de is nais e de is matas chi arribant a sa strada e a ndi ddas trantziri de ingui.

 

 

Totus is interessaus ca:

AVISAT

·            si non si fresat s’erba, at a èssiri aplicada una santzioni amministrativa chi andat de Euro 25,00 fintzas a Euro 500,00. Est amìtiu su pagamentu ammenguau de Euro 50,00; s’at a providi a esecutai de ufìtziu a is traballus cun spesas a càrrigu de is violadoris.

·            si non si segat in cresuras o is nais de is matas chi arribant a sa strada inui si passat, s’at a aplicai una santzioni de Euro 159,00 fintzas a 639,00 istabilèssia segundu s’art. 29 de su Còdixi Stradali.

·            in casu chi si ocasionit su fogu, fintzas feti su de ddu ai fatu partiri, s’at a aplicai una santzioni amministrativa non prus bàscia de 1.032,00 e non prus arta de Euro 10.329,00 sighendi s’art. 24 comma 3 lett. a de sa L.R. 27 abrili 2016 n. 8, a prus de rembursai is dannus ocasionaus; segundu s’art 650 de su Còdixi Penali s’at a fai fintzas una denùntzia a s’Autoridadi Giuditziària contra a is violadoris.

·            Si non s’at a traballai po ndi bogai is lacuneddas de àcua chi podint favoressi s’ispainadura de animalis perigullosus po sa saludi pùblica, prusatotu topis e merdonas, caborus e babballotis velenosus o fastidiosus (es. sìntzula e musca); su traballu ddu at a fai su Comuni cun ispesas a càrrigu de su violadori chi at a bènniri fintzas denuntziau a s’Autoridadi Giuditziària cumenti in s’art. 650 de su Còdixi Penali;

Is interessaus ant a fai is interventus ònnia borta chi a a èssiri netzessàriu po assegurai sa limpiadura  e manutentzioni de is logus, po amparai sa saludi pùblica e su decoru urbanu.

Custa ordinàntzia at a èssiri publicada a su Cuadru Pretòriu, in su Giassu de su Comuni e in is bachecas de su territòriu.

 

DISPONNIT

Su Servìtziu de Politzia Locali e is fortzas de Polìtzia chi òperant in su terrritòrii sunt incarrigaus de fai arrispetai custa ordinàntzia.

Sighendi sa lei 07.08.1990, n.241, responsàbili de su protzedimentu est s’ufìtziu de Polìtzia Munitzipali, in sa persone de su responsàbili Corrado, e contra de custu provedimentu est amìtiu su ricursu a su Tribunali Amministrativu Regionali de sa Sardìnnia intra de 60 diis o a su Presidenti de sa Repùblica intra de 120 diis.