Oi si boleus presentai unu lìburu nou; si narat "Intrare in Sonu. Sonos e colores de su sardu" de Pierluigi La Croce.
Est unu lìburu arricu de figuras chi circant de contai a is chi ligint is ammàinus de sa lìngua sarda, fintzas imperendi is coloris de is sartus nostus, sa fatiga de su traballu de ònnia dii, is ritualis de sa famìllia, su passai de su tempus e de is istasonis. In "Intrare in Sonu" pàginas meda sunt fatas de cussus coloris e de cussus sonus chi biviant in Sardìnnia in unu tempus nimancu atesu meda: pàginas chi circant de contai sa lìngua sarda, chi mancai presentit diferèntzias in is diversus logus de s'ìsula, est sèmpiri una lìngua ùnica.
Sa novidadi de su lìburu est sa presèntzia de 100 tàulas pintadas chi bolint alliongiai su lèssicu a is arrègulas de sa lìngua e ammostai comenti argunus fueddus sunt postus impari sighendi critèrius de coerèntzia lògica e semàntica.
S'autori at bòfiu creai unu acàpiu intra su fueddu e sa figura, permitendi de ligi a manera sincrònica coloris e fonemas, figuras e sonus po fatzilitai su cumprendòniu de sa lìngua sarda e s'imparu suu in sa scola.