Comunu de Mòguru
Atividadis po pipius e piciocheddus -2020
Custa amministratzioni bolit cuncordai atividadis po pipius e piciocheddus residentis in Mòguru in is mesis de argiolas e austu, sighendi is lìneas ghia po fai in seguresa atividadis de sotzialidadi e giogu in sa fasi 2 de s’emergèntzia covid-19.
In totu is servìtzius:
· Is atividadis s’ant a fai in grupus piticheddus e omogèneus chi non ant a bènniri a pari.
· Is logus ant a èssiri segurus e s’ant a fai prusatotu atividadis in foras, cun operadoris formaus.
· Atentzioni meda s’at a giai a is mesuras igiènicu-cumportamentalis, po amenguai is arriscus, sighendi totu is protocollus de is lìneas ghia regionalis e natzionalis.
Cali servìtziu?
Is atividadis s’ant a cuncordai sighendi tres fàscias de edadi de is chi ant a pigai parti:
· Asilu, in sa sea de s’asilu statali, duas bortas a sa cida, po pipius chi frecuentant s’asilu (edadi 3/5 annus).
· Atividadis de giogu in Mòguru, e a mari o in piscina e àteras bessidas, duas bortas a sa cida po pipus chi andant a sa scola elementari ( 6/11 annus).
· Atividadis in Mòguru, bessidas a mari, in piscina e in àterus logus, duas bortas a sa cida po piciocheddus cun edadi de 12 a 17 annus.
Inui e candu?
Is servìtzius s’ant a fai in Mòguru, prusatotu in foras e a mari e in piscina. Is atividadis s’ant a fai siat a mengianu, siat a merì.
Su servìtziu at a cumentzai in sa prima metadi de su mesi de argiolas e at a sighiri po cuatru cidas.
A custas atividadis s’ant a podi aciungi àterus eventus comenti a laboratòrius o film.
Ant a podi pigai parti:
· Asilu: 20 pipius partzius in grupus piticheddus.
· Atividadis 6/11 annus: 60 pipius partzius in grupus piticheddus.
· Atividadis 12/17 annus: 30 piciocheddus partzius in grupus piticheddus
Iscritzionis, e si serbint, critèrius de prioridadi e contributzioni de is impitadoris
Biu ca tocat a sighiri is prescritzionis e po mori de custas lìneas tocat chi ddui siant operadoris meda po cuncordai is atividadis in grupus, est netzessàrius detzidi cantu pipius ant a podi pigai parti. Si is domandas ant a sartai su nùmeru detzìdiu, s’at a giai prioridadi, sighendi is lìneas ghia a: fillus de babbus e mammas chi traballant ambadus, famìllias inui ddu at sceti sa mamma o su babbu, famìllias inui ddu at calincunu diversamenti àbili o in cunditzionis de debbilesa.