Su Comunu de Biddobrana at ativau su servìtziu de comunicatzioni a mesu de s'app WhatsApp cun sa punna de informai is tzitadinus a pitzus de custas chistionis:
- Informatzionis de utilidadi pùblica e servìtzius comunalis;
- Atividadis istitutzionalis;
- Novas, informatzionis e agiornamentus.
Is messàgius ant a èssiri mandaus in modalidadi broadcast, in unu grupu WhatsApp inui nemmus podit biri is àterus chi sunt iscritus in sa lista. Su servìtziu est a indonu e onniunu podit scioberai de pigai parti o no.
Po imperai su servìtziu bastat mandai unu messàgiu cun WhatsApp a su nùmeru 371/4474224 scriendi ATTIVA.
Is impitadoris si podint iscancellai de su servìtziu candu bolint mandendi su messàgiu DISATTIVA. Su nùmeru 371/4474224 funtzionat feti po mandai informatzionis e novas, non mandat arrespustas e non arricit telefonadas.
Ativendi su servìtziu si amitit de intrai in sa lista de cuntatus Whatsapp de su Comunu de Biddobrana e si pigat s'impìnniu de non tzèrriai , non mandai messàgius e fotografias, videus o àteru a cussu nùmeru. Is impitadoris chi no ant a arrispetai s'impìnniu ant a èssiri bogaus de sa lista e non s'ant a podi prus iscriri.
Mandendi su messàgiu de iscritzioni s'impitadori decrarat de ai lìgiu e cumprèndiu s'informativa chi si podit ligi a custu link https://www.comune.villaurbana.or.it/index.php/servizio/124, autorizendi su Comunu a mandai informatzionis cun whatsapp.
Totus is chi ant fatu 16 annus si podint iscriri a su servìtziu.
Po àteras informatzionis o si ddu at calchi dificultadi in sa registratzioni si podit scriri a tecnico.@comune.villaurbana.or.it