In Arriora puru, po fortuna, si sighit a fueddai sa lìngua sarda. Cumenti scideus, su sardu est una lìngua neolatina. Is istudiosus dda partzint in duas variedadis
printzipalis:sul logudoresu (fueddau prusatotu in su tzentru nord de s'ìsula) e su campidanesu ( chistionau in su tzentru e a a sud de s'ìsula)
Su sardu fueddau in Arriora, mancai sa bidda s'agatit in campidanu, tenit duas caraterìsticas de su logudoresu: sa mantenidura de is sonus velaris [k] e [g],
fintzas ainantis de vocali palatali e sa labializatzioni. Si duncas, po su chi pertocat sa fonètica, sa varianti de Arriora tenit cosas chi dda acostant a su logudoresu, po su chi pertocat sa
morfologia, su sardu de Arriora tenit caraterìsticas campidanesas.
In sa lìngua fueddada, pagu cosa est abarrada de su paleosardu. De sa lìngua de is Pùnicus sunt abarraus duus fueddus: tzìpiri (rosmarino) e mitza [mittsa] (sorgente).
Sunt abarraus intamis fueddus meda spanniolus e catalanus; arregordaus difati ca in s'ìsula su domìniu spanniolu est andau ainnantis po cuatru sèculus.
Custas novas sunt liadas de su lìburu "Brevi cenni sul dialetto di Riola (e di Baratili)" de Benedettu Sulas