De lunis 1 de làmpadas est possìbili a si iscriri a su servìtziu de mensa scolàstica po s'annualidadi 2020/2021 po is istudiantis residentis e non in su Comunu de Aristanis, chi frecuentant is iscolas elementaris e s'asillu a tempus prenu.
“Si boleus fai agatai prontus – at nau s’assessori a s'istrutzioni pùblica Massimiliano Sanna - si ant a arribai is disponimentus apitzus de sa regulari torrada a scola. Teneus gana de torrai a sa vida de primu, a bellu a bellu ma sena timoria. Est po custu chi seus cumentzendi a cuncodrai is servìtzius essentzialis. Po presentai is iscrtitzionis a sa mensa scolàstica 2020/2021 nc'est tempus fintzas a su 31 de argiolas.
Is critèrius po atzedi a su servìtziu sunt pretzisaus in su “Regulamentu comunali po su Servìtziu Mensa scolàstica” e si podint ligi in su giassu web de su Comunu de Aristanis.
S'inghitzu e sa manera de fai su servìtziu ant a sighiri sa normativa e is disponimentus natzionalis e regionalis chi ant a bessiri, po su chi pertocat su de torrai a aberri is iscolas e su calendàriu scolàsticu 2020/2021.
“S'Ufìtziu INFORMACITTÀ de su Comunu de Aristanis – narat s’assessori - est disponìbili po informatzionis e agiudu po cumpilai sa domanda.
Ateras informatzionis si podint domandai a s'Ufìtziu Relatzionis cun su Pùblicu (URP), a s'Ufìtziu de sa Pùblica istrutzioni e cun sa funtzionalidadi “COMUNICAZIONI” in su Portali telemàticu Servìtzius scolàsticus.