MuseoOristano - Afortiau su progetu po s'avaloramentu de is murallionis de sa tzitadi
Su progetu po avalorai su càminu de sa tzinta medievali de Aristanis fait unu àteru passu ainantis.
Intra de calchi cida s'ant a pònniri àterus pannellus illustradoris chi s'ant a aciungi a cussus chi giai nci sunt, po permìtiri una mellus connoscèntzia de sa stòria murària de sa tzitadi.
Sa "Fondazione Oristano" at a cumentzai s'ammanniamentu de su progetu gràtzias a su cuntributu de su Comunu de Aristanis e de sa Càmera de Cummèrtziu de Aristanis, in s'àmbitu de su progetu “Destinazione Sardegna sviluppo e promozione percorsi culturali".
“Su pònniri àterus pannellus impari a su de torrai a nou calincunu de cussus giai postus, at a èssri de importu mannu po avvalorai sa muralla medievali de Aristanis" narat s’Assessori a sa Cultura Massimiliano Sanna,
Su progetu previdit, acanta a sa Turri de Mariano II in Pratza Roma, de pònniri in terra tàcias de lutoni chi issas etotu ant a torrai a produsi su percursu de is murallionis.
Una manera duncas po donai àteras novas e àtera connoscèntzia de sa stòria de sa fortificatzioni medievali de Aristanis.