Comunu de Biddobrana
Personàgius nomonaus
Segundu su chi contant e scrint is istòricus de sa bidda, Biddobrana in sa stòria sua passada no at tentu personàgius de grandu importu, francu chi si sceràt po sa cumpetèntzia in is traballus de artigianau e de massaria. Andendi in su tempus, gràtzias a s’istrutzioni, a is mesus de comunicaztioni e a is viàgius, sa formatzioni culturali e sotziali est intrada in sa comunidadi e a pagu a pagu calchi personalidadi nd’est bessida a foras .
Antiogu Zucca nasciàt a Biddobrana su 21 de ladàmini de su 1870 de Efis e Teresa Perra. Sa domu de nàscida in bia Umbertu, dd’iant sciusciada e is familiaris, candu Antiogu teniat prus o mancu 20 annus, si tranzint in una domu noba in bia Vittorio Emanuele, domu chi ancora a dì de oi est sintzilla.
Sa domu in ui at bìviu e est mortu
Antiogu Zucca (foto
P.Pireddu)
Antiogu iat pòtziu studiai gràtzias a una famìllia chi stadiat beni po mori de is terras e de su bestiamini chi teniat, famìllia chi giaiat
traballu a genti meda. A pustis de ai fatu is istùdius inferioris a Aristanis e Casteddu, andat a Bologna in ui si iscrit a s’universidadi de lìteras, bessendi istudianti de Giosuè Carducci.
Acabbat is istùdius a Roma, in ui pigat sa primu làurea in su 1896; pagu annus apustis in su 1902, si làureat fintzas in Filosofia.
Teniat sa possibilidadi de viagiai meda; a Parigi iat connotu Haeckel, Gasquet e su chi in su 1901 fiat diventau prèmiu nobel Sully
Prudhomme; incapas est a Parigi etotu o a Torinu chi iat atobiau s’isposa sua chi no iat mai sposau e chi non connosceus prus de tantu.
Torrau in Sardìnnia po abarrai acanta a su babbu malàdiu chi morrit in su 1905, cumentzat a fai su maistu in is liceus de Casteddu, Aristanis, e Santu Lussurgiu; apustis torrat a lassai s’ìsula
po fai su maistu a Bari, Chiari e Roma, in ui abarrat po 18 annus. In su 1935, una borta pensionau torrat a Biddobrana in ui abarrat po sèmpiri. Innoi, atesu de àterus impìnnius si podit duncas
dedicai a sa filosofia. In su 1955, arricit sa làurea honoris causa in psicologia dae s'accademia de is istùdius ''Phoenix'' de Bari.
Morrit in sa bidda sua de nàscida su 6 de Maju de su 1960.