Sigheus a connòsciri is biddas chi faint parti de su Sportellu Linguìsticu ùnicu po àrea de sa Provìntzia de Aristanis.
Oi boleus fueddai de sa sagra de sa butàriga de Crabas. Onni annu Crabas afestat sa butàriga, fata de is ous de su mugheddu. In custa ocasioni si podit tastai custu produtu in is antipastus, in is primus e segundus.
Sa "Sagra della Bottarga", avalorat sa cultura, sa stòria e sa parti gastronòmica de custu mandiari
chi podit èssiri cunsiderau su "caviali" de su Mediterràneu.
In ocasioni de sa Sagra, s'amministratzioni comunali organizat bancarellas po tastai, papai e bendi sa butàriga, ispainendi unu libureddu in ui ddu at una surra de retzetas po fai cosa de papai
cun sa butàriga.
Is ous de custu mugheddu benint innantis ammantadas cun sali e apustis prentzadas e postas a su soli e a s'ària po ddas fai stasonai. S'arresultau est unu panetu de colori dorau, moddi e chi tenit unu sabori forti e delicau chi podit èssiri papau a cruu, afitau in ollu de olia; est bella meda tratada asuba de is antipastus e de sa pasta ma sa manera prus bella de dda papai est cun pani arridau e burru.