Comunu de Aristanis

Itineràriu turìsticu grogu

Partèntzia: Pratza Corrias, Antiquarium Arborense   |    Arribu: Crèsia de Santu Giuanni Battista

S’abbisita a sa tzitadi de sa Sartìglia previdit unu viàgiu chi passendi in mesu a s’istòria de is grèmius e de is cunfrarias religiosas, permitit de connòsciri mellus sa tzitadi e sa Sardìnnia spanniola intrea. Partendi dae su Museu Archeològicu, in ui si podint biri duus retàulus meravillosus  de sa “Madonna dei Consiglieri” e de “San Martino”, si podit cumentzai a chistionai de Aristanis tzitadi règia e de is assòtzius de is artis de su tempus spanniolu. Su caminu sighit duncas cun s’abbisita a sa Capella de su grèmiu de is maistus de linna de Santu Giusepi sec XVII, in sa Sea, po sighiri cun s’abbisita a sa Crèsia de sa Madonna de su Càrmini sec. XVIII, esempru de importu mannu de architetura baroca in Sardìnnia e in ui teniant sa capella su grèmiu de is maistus de pannu e sa cunfraria de is ànimas; a pustis de èssiri passaus in is bias in ui si currit sa Sartìglia, si lompit a sa Crèsia de Santu Martinu, sec. XIII, chi oi est sa capella de is solas duas cunfrarias de sa tzitadi,e su viàgiu acabbat in sa Crèsia in su sartu de Santu Giuanni Batista, secc. XIV-XVI connota comenti a Santu Giuanni de is Froris, chi s’agatat a foras de is murus de sa tzitadi ma non atesu meda; oi est sa capella de su grèmiu de is massajus.