S’Amministratzioni Comunali bolit promovi s'inghitzu de atividadis culturalis, sotzialis e isportivas a incuru de is assòtzius Localis e de is Privadus residentis e chi òperant in su territòriu, assinnendi a indonu is logus pùblicus inditaus asuta, in su rispetu de is dispositzionis de su D.P.C.M. de su 17 de maju 2020, pruscatotu de s’art. 1 lett. b) e d) :
- Bociodrumu Comunali de bia Gramsci (pratza aintru a s'ex Scola Mèdia);
- Pratza Amsìcora;
- Pratza Su Cuccureddu.
- Campu sportivu (salvu candu est imperau de is sotziedadis chi giogant a palloni).
Rispetendi is rechisidus inditaus in s'avisu publicau a su cuadru pretòriu de su Comunu e alliongiadu a custa nova, at a èssiri pòssibili domandai sa cuntzessioni de unu de is ispàtzius pùblicus inditaus asuba, presentendi sa domanda intru de su 10 de làmpadas de su 2020.
Po ligi s'avisu intreu e scarriai su mollu de domanda, podeis clicai innoi.