Su 2 de làmpadas ant torrau a aberri su Museu cìvicu "Giovanni Marongiu" de Crabas e s'àrea archeològica de Tharros.
Su museu at a abarrai abertu totu de sighida de is 10 de mangianu a is 6 de merì. Podint intrai, apustis de ai prenotau, non prus de 40 bisitadoris, a dexi a dexi a cada 10 minutus.
S'àrea archeològica de Tharros at a abarrai aberta totu de sighida de is 9 oras de mangianu a is 7 de merì. Inguni puru tocat a intrai, apustis de ai prenotau, a 20 a 20 e non prus de 100 bisitadoris a fàscia orària.
Abarrat s'òbrigu po totus de si poni sa mascarina e de si igienizai is manus.