Partèntzia: crèsia e ospidali de Sant'Antoni Abate | Arribu: pratza Mannu
Custu est unu de is caminus turìsticus chi podeis fai po abbisitai sa tzitadi de Aristanis.
S’itineràriu previdit s’abbisita in is logus chi testimòngiant s’edadi de mesu aristanesa.
Movendi de sa crèsia e de s’ospidali de Sant’Antoni e sighendi cara a sa Crèsia de Santu Frantziscu , secc. XIII-XIX, sa Crèsia de Santa Maria Assunta secc. XIV-XVIII, sa Crèsia de Santa Crara, sec. XIV, sa Pratza de Sa Majoria, sec. XIII, chi connosceus a oi cumenti a pratza Mannu, in ui agataus su Casteddu giudicali, sa Turri de Santu Filipu e sa Porta Mari e sa Crèsia de Santu Martinu, sec. XIII extra muros, est possìbili arragordai acuntessimentus e personàgius de unu tempus bellu meda po sa tzitadi de Aristanis. Testimonias de s'època giudicali iscarpedadas in is perdas de is crèsias , cumenti sa làpidi de Filipu Mameli in su Duomu e cussa de Costanza de Saluzzo in sa crèsia de Santa Crara, si aunint a is sinnalis medievalis cumenti a murus e turris ancora interas.