Matteo Porru, est nàsciu in su 1934, e bivit in Casteddu. Maistu e dirigenti iscolàsticu, est sèmpiri stètiu unu de is prus mannus difendidoris de sa cultura linguìstica. At fatu bortas meda su giurau e su presidenti de prèmius leteràrius e collaboradori de giornalis regionalis e natzionalis. At pubricau lìburus in italianu e sardu; arregordaus "Pinocchio di Collodi" furriau in sardu, "Breve storia della lingua sarda" e "Antologia Poeti sardi".
In custu lìburu s'autori bolit giai unu cuntributu a totus is chi non si bolint iscaresci de is arraxinas issoru. Difati est imparendi sa lìngua mama a is prus piticheddus chi s'at a pòdiri permìtiri a su sardu de sighiri a bivi. Su testu est fatu a manera de una chistioni e arrichiu de novas istòricas, etnogràficas e sotziològicas e contat su caminu de una lìngua nàscia de sa latinu e chi a pustis de 2000 annus de istòria pedit de èssiri amada e arrispetada.
Est unu lìburu de importu mannu biu ca de annus si chistionat in Sardìnnia cumenti in àterus logus de is lìngua s de minoria. Po is sardus su sardu no est unu dialetu ma una lìngua, peroa a dì de oi est diventendi traballu mannu a dda fai sighiri a bivi e a ddi fai tenniri is arreconnoscimentus chi minescit.