Sunt torraus a aberri in Aristanis is logus de sa cultura.
Su Museu Antiquarium Arborensi e sa Pinacoteca Carlo Contini (atendius de sa Fondazione Oristano) s'ant a podiri abbisitai pighendi unu apuntamentu, sa Biblioteca comunali at a torrai a incumentzai su servìtziu de imprestidu de is lìburus sèmpiri cun apuntamentu.
Fintzas s’Archìviu istòricu at torrau a aberriri ma po is atividadis in sa sala de istùdiu tocat a pigai unu apuntamentu.
Po intrai in is istruturas culturalis comunalis, cumenti in cussas gestidas de sa Fondazione Oristano, ant a dèpiri èssiri rispetadas is mesuras de siguresa,; at a tocai a imperai is mascherinas, a si sciacuai is manus cun su disinfetanti, rispetai is distàntzias cun is àteras personas , e non fai muntonis de genti.
In su Museo Antiquarium arborense, in prus de is abbisitas torrant a incumentzai is atividadis de circa e tirocìniu.
innoi asuta agatais is riferimentus po si prenotai.
Biblioteca comunali
Su servìtziu de
imprestidu s'at a fai feti apustis de ai prenotau e pigau apuntamentu po arritirai is lìburus:
- a mesu de sa mail biblioteca.prestito@comune.oristano.it
- de su portali Bibliosar cun is credentzialis tuas
- telefonendi a su 0783-791750, de su lunis a su cenàbura de is 9 a is 14
Po torrai is lìburus a s'intrada de su fràigu in bia S.Antonio ddu at unu carrellu. S'at a podi torrai is lìburus chena apuntamentu, is in oràrius inditaus asuba.
Po is chi tenint prus de 80 annus o po is chi non podint andai in biblioteca po mori de sa saludi, at a sighiri s' imprestidu a domu.
Pinacoteca comunali Carlo Contini
Prenotatzionis a su n. 0783 02769
visiteguidate@fondazioneoristano.it
Museu Antiquarium Arborense
Prenotatzionis a
su n.0783 791262
visiteguidate@fondazioneoristano.it
Archìviu istòricu
Prenotatzionis a su n.0783
791490
archiviostorico@comune.oristano.it