COMUNU DE MÒGURU

Cenàbura 22 de maju torrat a abèrriri su mercau de pratza Màrtiri

Si fait sciri ca su mercau de Pratza Màrtiri chi si fait in abertu at a torrai a abèrriri cenàbura 22 de maju 2020.

Arregordaus a is clientis e a is operadoris commertzialis ca est de òbrigu imperai is dispositivus de protezioni, is guantus e/o sustàntzias idroalcòlicas po si limpiai is manus. Is clientis depint sighiri caminus de intrada e bessida inditaus de sa sennialètica e mantènniri sa distàntzia interpersonali.

Is meris de is postègius ant a dèpiri arrispetai is règulas chi sighint:

·            Ant a dèpiri limpiai ònnia dì is ainas chi imperant, ainnantis de cumentzai is fainas de bendida;

·         Est d’òbrigu imperai is mascherinas e in prus tocat a imperai is guantus o una sustàntzia alcòlica po si limpiai is manus chi depit èssiri a disponimentu fintzas de is clientis;

·            Rispetu de sa distàntzia interpersonale de unu metru asumancu;

·         Rispetu de sa distàntzia interpersonale de unu metru asumancu fintzas de is àterus operadoris in is operatzionis de càrrigu e scàrrrigu;

·         Si si bendit bistimenta, si depit pònniri a disponimentu de is clientis guantus de imperai candu si scioberat su chi si bolit comporai o misurai;

·          Si si bendit roba giai imperada, tocat a limpiai cun sustàntzias alcòlicas sa bistimenta e is crapitas innantis de ddas bèndiri.