Si fait sciri a is tzitadinus ca eus torrau a aberri is tèrminis po intregai is istàntzias chi pertocant is "Misure straordinarie e urgenti a sostegno delle famiglie per fronteggiare l'emergenza economico-sociale derivante dalla pandemia SARS - CO V2" L.R. 12/2020.
Is istàntzias podint èssiri presentadas a cumentzai de su 19 e fintzas a su 31 de maju imperendi su mollu chi agatais in su giassu internet de su comunu, acumpangiau de unu documentu de identidadi vàlidu e depint èssiri trasmìtias a custu indiritzu PEC protocollo@pec.comune.santagiusta.or.it o a itituzionale info@comune.santagiusta.or.it; feti si non si arrannescit a mandai sa domanda a mesu de posta eletrònica at a èssiri possìbili cunsinniai is istàntzias a manu a s'Ufìtziu de su protocollu de su Comunu ònnia dì de is 11:00 a is 13:30.
Is chi ant giai fatu sa domanda, non ddi depint presentai àteras.
Si depeis pediri àteras informatzionis podeis ligi s'avisu pùblicu chi agatais in su giassu internet de su comunu e podeis tzèrriai s'Ufìtziu de is Servìtzius Sotzialis a su n. 0783/354528 -04.