Si informant is tzitadinus ca su Sìndigu at emìtiu s’ordinàntzia n. 10 de su 05/05/2020 chi arregolit is prescritzionis contras a su fogu po s’annu 2020. Aintru de su 1 de làmpadas de su 2020 ant a dèpiri èssiri pulius de ebra e scomu, is terrenus, is ortus e is giardinus.
Aintru de su 1° de làmpadas 2020:
-
is meris e/o afituàrius de terrenus chi faint parti de calisisiat categoria de imperu, funt obrigaus a puliri de su fenu, de s’arrù e materiali sicau de dònnia genia, su tretu acanta de is bias pùbricas, po una doa de terra de assumancu 3 metrus contendi de su lìmiti de is pertinèntzias de sa bia etotu;
-
is meris e/o afituàrius de campus agricùlus depint finsas fai una doa para fogu, a sa manera nomenada in su comma 1, o lassai una tira de erba frisca, a ingiriu de is fabricaus ruralis e a is staddas po su bestiàmini, chi siat larga non prus pagu de 10 metrus; is meris e/o afituàrius de terrenus postus a lori depint fai una tira arada de assumancu 3 metrus de largària, a ingiriu de is terrenus prus mannus de 10 ètaras aunius;
-
is meris e/o afituàrius de terrenus chi produsint colturas agràrias, chi funt a lacana cun is àreas a buscu definidas de s’art. 28, depint fai aintru de is terrenus semenaus, una tira trabballada de assumancu 5 metrus de largària, oru oru a su trèmini cun su buscu;
-
is meris e/o afituàrius de terrenus postus acanta de sa bidda depint fai, a fùrriu de totu su campu, e aici cumenti narat su comma 1, doas po amparai, chi non siant de calisisiat materiali sicau, largas no prus pagu de 5 metrus.
Aintru de sa bidda e in sa periferia is meris de is àreas chi faint parti de calisisiat categoria de imperu, chi non funt trabballadas innui ddui at erbas, arrefudus de calisisiat genia, arrampus o àteru chi potzat èssiri perigulsu po pigai fogu, o atru acorru de babballotis o de parassitas chi podint noci, cumenti a s’arrèxini, funt obrigaus a ndi segai s’erba e a ndi trantziri su chi nd’ant segau de is àreas aintru de su 1° de làmpadas 2020; po is àreas urbanas de sa periferia s’at a dèpiri fai a longu a longu de totu su perìmetru de su trèmini doas adatas, chi pighint in sa largària su prus pagu 5 mètrus, chi no siant de materiali chi ddi potzat pigai fogu, arendi sceti a pilu de sa terra, custa cunditzioni at a èssiri garantia po totu sa simana chi addurat s’arriscu mannu de abruxai is padentis, cumenti nant is prescritzionis Regionalis Contras a su fogu.
Sa proibitzioni de pasci e de passai su bestiàmini aintru de sa bidda e acanta de sa bidda, sarvu esigèntzias chi depint èssiri autorizadas innantis cun is prescritzionis necessàrias, chi funt a incuru de su Servìtziu veterinàriu de s’Azienda ATS SARDEGNA cumpetenti po su logu.
Cun su scopu de agiudai a apoderai su dicoru de sa bidda e de non procurai dannus a àterus, is meris e/o afituàrius de terrenus o pratzas innui ddui apat matas, molas o cresuris ddus depint pudai a filu de is murus de is propriedadis insoru, abarrendi firmas, is responsabilidadis civilis e/o penalis in contu a issus etotu po dannus chi podint èssiri procuraus a àterus, est amìtiu a streminai cun matas de froris piticas de 10/15 cm (chena de spinas) sceti chi, custas, non siant de strobbu a is chi passant a pei, cumenti a cussas postas in tretu de marciapeis strintus meda, e chi is meris allichidant beni e a fitianu asuta de su tretu chi streminat.
Est finsas de òbrigu po is meris e/o afituàrius de is immòbilis a ndi trantziri s’erba chi nascit sola, crèscia in is afaciadas de is fàbricus, est a narri asuba de is murus po serrai, chi funt trèmini a pari cun sa bia pùbrica.
Sartau su tempus a disponimentu po puliri is àreas is meris ant a èssiri difidaus cun comunicatzioni scrita a incuru de su Servìtziu de Politzia Municipali po chi allichidant in custas àreas aintru de 10 (dexi) diis. Passau su tempus inditau in sa difida chena chi s’interessau apat arrispetau s’òrdini ingiuntu s’at a providiri cun s’emanatzioni de un’ordinàntzia nominativa, chi non at a a èssiri arrispetada s’esecutzioni de ufìtziu cun is spesas a càrrigu de su contraventori.
Custa situatzionis depint èssiri poderadas po totu sa simana chi addurat s’arriscu mannu de su fogu, est a narri de su 1° de làmpadas finsas a su 31 de mesi de ladàmini 2020.
Po informatzionis in prus si podit pregontai a s’Ufìtziu de Politzia Locali.
