Sa bidda de Biddobrana
Su pani artigianali rapresentat custu antigu e pitiu tzentru agrìculu de su Campidanu de Aristanis.
S’agatat in mesu a su monti Arci e su Grìghine, traballau a trigu, axina e olia, Biddobrana est una bidda de orìgini romana de 1700 abitantis chi làcanat cun sa Marmilla. Su topònimu ndi arribat de villa urbis, s’antiga tzitadi de Othoca: fiat unu logu chi furniat is prudutus agrìculus a Aristanis e fintzas una residèntzia po is abitantis de Forum Traiani, chi in s’istadiabi nd’arribant in custu logu sanu e friscurosu.
In mesu a sa bidda nàscia in su de duus sèculus e fata de domus campidanesas cun is caraterìsticus portalis, si ndi strantàxat sa crèsia de Santa Margarita de su 1717. Sa patrona benit afestada in su mesu de argiolas. Sa bidda est fintzas atraissada de unu arriu chi tenit nòminis diversus in logus diversus e chi est una risursa de importu mannu po sa massaria.
Gràtzias a sa terra saliosa si faint binus bellus meda, ollu e trigu imperau po su pani fatu in domu chi at fatu de Biddobrana unu logu de importu mannu e dd’at fata intrai in su circùitu natzionali de is tzitadis de su pani. Nomonau est su pani de ònnia dì de “pasta dura” (prezzida e tureddu) e moddii (moddixina e lada), e is panis po is cojas e atras tzerimònias. Si podint tastai trassintru sa sagra de su pani fattu in domu, a s’acabbu de su mesi de ladàmini. Una domu campidanesa antiga acullit sa domu-museu de su pani in ui si podint biri is massajas chi faint su pani e is fainas de traballu. In sa sagra podeis ammirai fintzas scateddus e atru artigianau locali.
Ingìriu a sa bidda ddu at su monti Arci, cun s’ìxibi e is matas de làndiri, mitzas de àcua lìmpia e pillonis de ònnia ratza. Su monti si scerat fintzas po sa presèntzia de sa perda crobina.
De biri sunt is mitzas de s’Utturu de su Cadru, aintru de una padenti de ìxibi e su Grighine, unus de is montis prus artus de sa zona de Aristanis chi si ndi strantaxat asuba de su sartu chi ddu est ingìriu
Su territòriu est nomonau fintzas po sa presèntzia de 40 nuraxis, arregordaus Bau Menda, Bidella, Cabras Crannaxiu, Porcilis e Turriu , e de is tumbas de is Gigantis