|
|
|
|
Càmera de Cummèrtziu de Aristanis
Si tzèrriat “RipartireImpresa” e proponit informatzionis po is impresas in tempus de Corònavirus. A pensai a custa piataforma online est Unioncàmere, in collaboratzioni cun InfoCàmere, po agiudai is imprendidoris a si ndi scabulli in mesu a totus is provedimentus natzionalis e regionalis, chi tenint sa punna de amenguai s’ispainadura de su virus.
Dd’agatais a s’indiritzu https://ripartireimpresa.unioncamere.it/ e permitit de agatai impressi is normas adotadas e is oportunidadis de agiudu econòmicu.
Est unu portali sìmplitzi; bastat a marcai s’atividadi e sa regioni de apartenèntzia e si podint biri is mesuras de prus importu. A cali mesuras fiscalis de su Decretu Cura Itàlia si podit atzedi? Cali sunti is servìtzius de assistèntzia disponìbilis e cali sunt is initziativas de sustènniu chi est pighendi sa Càmera de Cummèrtziu?
Sa partzidura in setzionis permitit de àiri informatzionis pretzisas e simplìtzis de cumprendi. S’impresa at a pòdiri fintzas connòsciri cumenti atzedi in is inpiantus e in is localis de traballu, is òbrigus po limpiai e sanificai e cussus po s’organizatzioni aziendali e sa guardiania sanitària de is dipendentis.
In sa homepage si atzedit allestru a is informatzionis chi serbint de prus, a is documentus e a is servìtzius de assistèntzia pubricadas in su web; ddu at fintzas una seletzioni de novas sèmpiri agiornadas. .
In is diis chi benint at a èssiri presenti fintzas unu servìtziu de assistèntzia dereta po arraspundi a is domandas chi prus interessant.