In sa Nuova Sardegna de oi, agatais unu artìculu alligru chi fueddat de cali siat sa manera prus bella de chistionai in Sardìnnia. Ma scideus giai ca non esistit unu sardu prus bellu de un atru e fintzas ca in Sardìnnia non si fueddat feti su sardu; nc'at duncas genti chi chistionat a manera diferenti. E fintzas sa diversidadi de sa lìngua est una richesa.
In Sardìnnia si chistionant lìnguas meda, de su Nuoresu a su Campidanesu a su Logudoresu a su Sassaresu, su Gadduresu, su Catalanu e su Tabarchinu; in custu videu ispassiosu fatu de una ghia turìstica algheresa Lucia Francesca Nieddu, unus cantu ghias turìstica regionalis e fintzas carchi tzitadina chi nd'arribant de logus diversus de s'ìsula, faint unu disàfiu po afirmai cali siat sa lìngua prus bella. Custu videu, postu in sa pàgina Facebook ArcheoLucia est diventau virali in pagu tempus. Innoi asuta si poneus su link po andai a ddu castiai.