COMUNU DE SABARUSSA
BORSA DE ISTÙDIU NATZIONALI PO ISTUDENTIS DE IS ISCOLAS SUPERIORIS
D. Lgs. 13/04/2017 n. 63
A.S. 2019/2020
A V I S U
SI FAIT SCIRI A IS TZITADINUS CA EST POSSÌBILI PRESENTAI S'ISTÀNTZIA PO ATZEDI A SA BURSA DE ISTÙDIU NATZIONALI PO IS ISTUDENTIS DE IS ISCOLAS SUPERIORIS ISTATALIS E PARITÀRIAS PO S'ANNU ISCOLÀSTICU 2019/2020.
PO PODI ATZEDI A SA BURSA DE ISTÙDIU TOCAT A:
-
Éssiri iscritus a s’A.S. 2019/2020 in una iscola superiori de su sistema natzionali de istrutzioni (iscolas istatalis e paritàrias).
-
Fai parti de una famìllia chi tenit unu I.S.E.E. chi non siat prus artu de 14.650,00 euro.
-
Cumpilai su mollu de domanda acumpangiau de:
-
fotocòpia de s’ISEE vàlidu emìtiu segundu sa normativa previdida de su DPCM n.159/2013;
-
fotocòpia de unu documentu de riconnoscimentu vàlidu.
-
-
Presentai sa domanda a su Comunu de residèntzia (Ufìtziu Protocollu), intru su 15 de LÀMPADAS 2020. Sa domanda podit èssiri presentada de unu genitori, su rapresentanti legale de s'istudenti o fintzas de s'istudenti etotu si tenit 18 annus.
-
Sa domanda podit èssiri presentada fintzas cun posta eletrònica tzertificada a custu indiritzu: protocollo@pec.comune.solarussa.or.it
Su Comunu at a mandai s’elencu de is istudentis chi podint èssiri amìtius a sa Regioni Sardìnnia, chi at a fai una graduatòria ùnica regionali, segundu s'ordini de crèscida de s'ISEE, e a paridadi de ISEE, at a èssiri innantis s'istudenti prus pitiu de edadi. S'elencu de is istudentis benefitziàrius de sa bursa at a èssiri trasmìtiu a su Ministeru de s'Istrutzioni. S'importu de sa bursa de 200 € at a èssiri giau a mesu de bonìficu bancàriu.
INFORMATIVA A PITZUS DE SA “PRIVACY”
S’informativa est aprontada de su Ministeru de s’Istrutzioni e pubricada in su situ de su Comunu: www.comune.solarussa.or.it e in su situ de su Ministeru: https://iostudio.pubblica.istruzione.it/web/guest/voucher.
MODULÌSTICA E INFORMATZIONIS
Sa modulìstica de imperai est disponìbili in su giassu de sa Regioni Sardìnnia: www.regione.sardegna.it, e in cussu de su Comunu: www.comune.solarussa.or.it .
Po informatzionis:
COMUNU DE SABARUSSA – Ufìtziu Istrutzioni
Diis e oràrius de abertura: de su lunis a su martis de is 10:30 a is 13:30, lunis a merì de is 15:30 a is 18:30;
Telèfunu: 0783378212
E-mail cis@comune.solarussa.or.it
PEC: protocollo@pec.comune.solarussa.or.it
MINISTERU DE S’ISTRUTZIONI situ web https://iostudio.pubblica.istruzione.it/web/guest/voucher
e-mail iostudio@istruzione.it
Sabarussa, 04.05.2020 SU RESPONSÀBILI DE S’ÀREA AMMINISTRATIVA
Dott. Marco Casula