In segus a sa nota esplicativa de su 9.5.2020 de su presidenti de sa Regioni autònoma de sa Sardìnnia chi pertocat s'ordinàntzia n. 20 de su 2.5.2020, su Sìndigu Andrea Abis at detzìdiu de revocai s'ordinàntzia sua n. 39 de su 3.5.2020, agiustendi is dispositzionis localis a sa normativa regionali po andai contra a su Covid-19.
S'ordinàntzia noa n. 40 de s'11.5.2020, partit dae su 17 de maju.
Aprichendi s’artìculu 1 comma 1 de su decretu de su Presidenti de su Consìgiu de is Ministrus de su 26.4.2020 sighint a abarrai is proibitzionis de ònnia forma de afollamentu in is logus pùbricus
e privaus, de atzessu a is logus de giogu po is pipius e de fai atividadi lùdica in logus abertus. Mescamenti est fatu divietu de si firmai e abarrai in is panchinas chi s'agatant in is pratzas,
in is giardinus e in sa strada.
Est permìtiu de intrai in su parcu pùblicu de via Colombo de is 8:00 a is 20:00, ma non si podint imperai is giogus po is pipius e non si podit abarrai in is panchinas.
Aprichendi su decretu de su Presidenti de su Consìgiu de is Ministrus de su 26.4.2020 e s'ordinàntzia de su Presidenti de sa Regioni n. 20 de su 2 de maju 2020, est permìtiu de intrai in
campusantu una borta feti a sa dì, rispetendi su divietu de afollamentu e is distàntzias iinterpersonalis de unu metru a su mancu e imperendi is dispositivus de amparu individuali, po su tempus
netzessàriu.
Est permìtiu intrai a s'ecocentru unu po unu cun òbrigu de mascherina e guantus.
Totus is chi sunt residentis o presentis in su territòriu comunali podint intrai in is edifìtzius de servìtziu pùbricu ( Comunu, posta, banca, esercìtzius comertzialis e atividadis produtivas) feti si sunt furnius de mascherina; est fatu òbrigu de si pònniri sa mascherina fintzas aintru de is màchinas si ddu at prus de una persona e sèmpiri in totus is logus in ui si podit atobiai genti acanta meda.
Is ufìtzius pùbricus e is esercìtzius commertzialis tenint s'òbrigu de:
- apostivigiai a s'intrada distribudoris de guantus "monouso". Is impitadoris depint imperai is guantus po totu su tempus chi abarrant aintru de s'esercìtziu e nci ddus depint
ghetai in s'àliga candu bessint.
- cuncordai cuntenidoris po s'àliga a sa bessida de is esercìtzius;
- cuntrollai chi is guantus bengiant bobaus in su logu issoru e chi is carrellus siant lìmpius;
- pònniri a s'intrada unu stràciu imprenu de igienizanti o sèmpiri e candu calincuna cosa chi serbat a si limpiai sa soba de is crapitas;
- limpiai immoi ancora de prus is superfìtzis de is logus de passàgiu a su pùbricu, duncas is logus in ui sa genti abetat, is cadiras, is carellus, is manìllias, is pulsantis de is machinàrius po
pagai.
Candu non est possìbili assigurai sa distàntzia de siguresa de unu metru tocat a pònniri pannellus de separatzioni.
Abarrat sèmpiri cunsillau de si fai portai sa spesa a domu.
Abarrat s'òbrigu de si pònniri sa mascherina candu si agataus in presèntzia de genti meda chi non est cunviventi, is normas po su distantziamentu sotziali e sa racumandatzioni a si cumportai a manera responsàbili po scumbati s'ispainadura de su Covid-19 in totu su territòriu comunali.