S'Assessoradu a is Servìtzius sotzialis de su Comunu de Aristanis comunicat ca si podit intregai s'istàntzia po èssiri amìtius a s'asilu "nido" po s'annu iscolàsticu 2020/2021.
Is genitoris de is pipus chi tenint un'edadi de 0 a 3 annus residentis in Aristanis podint presentai sa domanda. S'scadèntzia est po su 30 de maju. Is pipus chi non sunt residentis podint èssiri amìtius si abarrant postus disponìblis. Is mollus po presentai sa domanda si podint scarriai dae su situ www.comune.oristano.it.
Is domandas depint arribai a su Comunu cun raccomandada A/r (at a fai fiid su timbru postali) o giadas a su Protocollu de su Comunu, o mandadas a mesu de posta eletrònica tzertificada a sa mail
istituzionale@pec.comune.oristano.it, intru de su 30 de maju 2020.
Ant a èssiri amìtius is pipius chi sunt vacinaus regularmenti.
Po pediri àteras informatzionis si podit tzerriai o iscriri a s'Ufìtziu Prima Infàntzia tel/fax 0783-791297 mail primainfanzia@comune.oristano.it (Responsàbili de su Servìtziu est Adriana Lai – Istrutori Amministrativu Rita Lai)
Su servitziu chi si previdit de cumentzai su primu de cabudanni est subordinadu a sa normativa istatali e regionali chi at a èssiri emìta in is mesis chi benint a segunda de cumenti at a andai s'emergèntzia Coronavirus.
“Mancai iscolas e asilus ant serrau po mori de su Covid 19 aberreus is iscritzionis po s'annu iscolàstciu chi benit poita si praxit crei ca sa pandemia at a andai beni – narat s’Assessora a is Servìtzius sotzialis Carmen Murru -.
Po scarriai totus is allegaus podeis fai click asuba Allegati in ui eis a agatai:
- Bandu
- Mollu de iscritzioni
- Regulamentu servìtzius prima infàntzia
- Tarifa mensili
- Normas e informatzionis
- Su mandiari de s'istadiabi
- Su mandiari de s'ierru