Si fait sciri ca cun s'ordinàntzia de su Sìndigu n. 05 de su 04.2020, est stètiu detzìdiu de torrai a aberri su campusantu cun is cunditzionis chi sighint:
1. Dis e oràrius: ant'a èssiri ugualis a cumenti fiant innantis de ddu serrai;
2. Est permìtiu de abarrai aintru de su campusantu po non prus de 20 minutus;
3. Non si podit chistionai cun àterus abbisitadoris;
4. Est fatu òbligu de si pònniru guantus e mascherinas po totu su tempus chi s'abarrat aintru a su campusantu;
5. Tocat a poderai una distàntzia de siguresa de is àterus a su mancu de 1 mt;
6. Si podit andai a campusantu sceti una borta a sa cida e sceti unu po ònnia famìllia;
7. Innantis a una tumba non si podit firmai prus de una persona a sa borta.
8. Aintru a su campusantu ddui podint èssiri non prus de 10 personas totu paris.
9. In casu de interru ddui podint èssiri fintzas a 15 personas impari.
Si pregaus de ligi s'Ordinàntzia chi agatais a custu link.