Ndi leaus custa nova de su giassu de " Academia de su sardu onlus".
Est su 27 de gennarxu de su 1976. Seus in is annus de su proibitzionismu.
In s'universidadi de Tàtari po sa primi borta benit fata una letzioni de chìmica in lìngua sarda. Su docenti est Gavinu Piliu chi fueddat de fontis energèticas alternativas a su predozu.
A s'acabu de sa letzioni si aberrit una chistioni a pitzus de sa netzessidadi de fai intrai sa lìngua e sa cultura sarda in iscola. Totus is presentis chistionant in su sardu issoru e si cumprendint a pari.
Arregordaus intru de is chi iant chistionau in cussa ocasioni de importu mannu po s'amparu e sa defensa de sa lìngua sarda Massimo Pitau, Nino Manca, GianMario Satta e Giampiero Marras.