D: Seu obligau a imperai mascherinas e guantus po fai sa spesa?
R: Eja. Est una de is cosas de prus importu de s'ordinàntzia e serbit po amparai mimi e is àterus dae s'ispainadura de sa maladia.
D: Si non tèngiu sa mascherina cumenti potzu fai sa spesa?
R: Abetendi de aciapai una mascherina potzu pèdiri a su negòtziu de mi cunsenniai sa spesa a domu. Si tèngiu abisòngiu dae su lunis a su martis si podit tzèrriai a su nùmeru 0783 397237de is 9 a is 13, po aparagulai s'arritiru o sa cunsènnia.
D: Si non tèngiu is guantus o ddus apu scarèscius in domu, ita potzu fai?
R: Ddus potzu agatai in is intradas de is ufìtzius pùblicus e esercìtzius commertzialis chi tenint s'òbligu in s'oràriu de abertura de cuncordai màchinas chi donint guantus chi is chi intrant depint portai fintzas a candu abarrant aintru de su locali e chi nci depint fulliai a sa mundetza candu bessint.
D. Cali sunt is negòtzius in ui si podit andai a fai sa spesa sceti duas bortas a sa cida?
R. In is supermercaus de Crabas Crai, Cooperativa, Conad, Eurospin, Frongia.
D. Sa cartella de sa spesa est personali?
R. Eja est sa matessi po totus is supermercaus e portat scritu su nòmini e su sanguanu de chi dda imperat.
D. Depu fai sa spesa sèmpiri in su matessi supermercau?
R. No, potzu andai in negòtzius diversus ma sèmpiri sceti duas bortas a sa cida.
D. Cantu cartellas de sa spesa benint giadas a ònnia famìllia?
R. Fintzas a non prus de duas cartellas a famìllia, a duas personas diversas.
D. Duncas si teneus duas cartellas in famìllia, cantu bortas podeus andai in totu a fai sa spesa?
R. In totu 4, ma sunt sèmpiri duas bortas po ònnia cumponenti de sa famìllia chi tenit sa cartella.
D. Potzu imperai sa cartella mia po fai sa spesa a un'àtera persona?
R. Eja.
D: Chi depu castiai una persona, cumenti a una mamma bècia e ddi depu fai sa spesa potzu imperai sa cartella sua?
R: Eja. Bastat a pònniri in sa casella dèlega su nòmini miu, candu cumpilu sa cartella intestada a sa persona chi càstiu.