![](https://image.jimcdn.com/app/cms/image/transf/dimension=380x10000:format=jpg/path/sa508afa0716a6b0f/image/i1f3c45a0d7c2c6a2/version/1587370738/image.jpg)
Is campusantus ant a abarrai serraus ma fintzas in s'emergèntzia Coronavirus is aristanesus ant a pòdiri pensai a is familliaris issoru e fai arribai in is tumbas unu frori.
Is Assessoris a is servìtzius cimiterialis e a s’ambienti Francesco Pinna e Gianfranco Licheri impari a su sìndigu Andrea Lutzu, ant duncas detzìdiu de permitiri a is tzitadinus de assentai froris in is tumbas cun su servìtziu giau dae is froreris.
“Fintzas abarrendi in domu est possìbili pensai a is mortus nostrus – narant is Assessoris Pinna e Licheri -. Depeus ancora abarrai in domu e non podeus andai in campusantu a agatai is mortus nostrus. Ma a partiri de oi podeus tzerriai su froreri e ddi cumandai is froris de portai a campusantu.
Is froreris ant a operai rispetendi su DPCM de su 10/04/2020 chi permitit de bendi a mesu de formas de bèndita ispetzialis. (on line o a mesu de telèfunu).
Is froreris de parti issoru ant a dèpiri intamis cuntatai is incarrigaus a is campusantus de sa tzitadi e de is fratzionis dae su lunis a su cenàbura dae is 8 a is 14, tzerriendi custu nùmeru 0783 791261e ponendi-si de acòrdiu a pitzus de cumenti fai sa cunsènnia.