CASTEDDU, 15 OBRILI 2020 –
In custa simana de emergèntzia sanitària po su Covid-19 s’ant a pòdiri fai is atividadis de boddidura de su foràgiu, tundimenta de is brebeis e bogadura de s’ortigu. D’at pretzisau s’assessora
regionali a sa massaria, Gabriella Murgia, cunsiderendi is Dpcm de su 22 de martzu e de su 10 de obrili.
Su chi pertocat su foràgiu e sa tundimenta de is brebeis fiat giai permìtiu in su Dpcm de su 22 de martzu 2020.
Su de ndi bogai s’ortigu intamis dd’ant aciuntu cun su Dpcm de su 10 de obrili 2020 chi at istèrriu is atividadis permìtias fintzas a sa silvicoltura e a àteras atividadis
forestalis
Custa atividadi depit èssiri acumprida sighendi sa lei ragionali 4 de su 9 de friàrgiu 1994 e prusatotu s’art. 27, commas 1,2 e 3, chi narat ca est su Corpu forestali e de Vigilàntzia
ambientali de sa Regioni chi tenit cumpetèntzia autorizativa in matèria. Sa simana po ndi bogai s’ortigu andat dae su 1 de maju a su 30 de cabudani. Su Dpcm de su 10 de obrili at imbucau in mesu
a is atividadis permìtias fintzas su de fai produtus cun s’ortigu.
“Duncas – narat s’assessora Murgia – si podint fai custa atividadis ma sighendi is misuras de su abarrai atesu prevididas in is ordinàntzias de is autoridadis e si racumandat s’imperu de guantus
e mascherinas.