Su “Punto Impresa Digitale (PID)”, autorizadu dae su Ministeru de su Svilupu Econòmicu po s’ispainadura de sa cultura e de sa pràtiga de su digitali in is impresas piticas (MPMI) de totus is setoris econòmicus, indiritzendi-si a is impresas de su territòriu e a is tzitadinus interessaus, at a aprontai unu acadessimentu informativu in ui s’ant a acrariri 6 istrumentus chi podint serbiri po cuncordai a sa mellu manera unu traballu “agile” in custu tempus de “internet di massa”.
Cumenti podis fai imbucai su traballu “agile”in s’azienda tua? Cumenti podis fai is collaboradoris tuus prus prexiaus, atesu dae is ufìtzius issoru,sena ndi cumpromiti sa produtividadi?
Po permiti totu custu e duncas po lassai chi is dipendentis tuus potzant traballai de domu o de calisisiat logu chi non siat s’ufìtziu, depit giai a tui etotu e a issus is istrumentus chi siant capassus de istesiai ònnia distàntzia fìsica.
Cun is istrumentus adecuadus at a èssiri possìbili traballai “online” cumenti si traballat in domu.
Castiendi is istùdius fatus, in su 2019 sunt stètius 570.000 is traballadoris chi ant fatu is fainas issoru a manera “agile”, cunforma a is 480.000 de s’annu pretzedenti. Custu inditat unu acrescimentu de su “Smart Working (Lavoro Agile)” ma fintzas su fatu ca s’imperu de custa manera de traballai est ancora pagu ispainau.
S’emergèntzia sanitària chi seus bivendi in custas dis, at obligau aziendas meda e fintzas s’Amministratzioni Pùblica, a adotai in manera lestra su “Smart Working”, custringendi millionis de
personis a traballai de domu.
Custa emergèntzia duncas at a pòdiri portai a una ispainadura de su traballu smart e a mudai sa manera de traballai po su tempus chi at a bènniri?
Su seminàriu est gratùitu e podint pigai parti impresas, lìberus professionistas e tzitadinus interessaus.
Ti podis iscriri cumpilendi su form asuta e as a arriciri su link po su collegamentu a mesu de mail sa dì in antis de s’eventu.
Si ses una impresa, in sa cumpiladura as a dèpiri cumpilai fintzas su SELFI4.0. Est unu cuestionàriu de autovalutatzioni a pitzus de is abbilesas digitalis de s’azienda tua e a s’acabbu as a otènniri unu report de s’arrisultau otènniu.
Su seminàriu s’at a fai su 22 de òbrili dae is 10:00 a is 11:30