Si fait sciri a is tzitadinus ca s'Amministratzioni Comunali at ativau unu servìtziu telefònicu de Assistèntzia Psicològica po is personis chi bolint arriciri unu agiudu dae personali cualificau in custu momentu de emergèntzia sanitària chi sunt bivendi situatzionis de fastìdiu, strobu e isulamentu.
Unu agiudu duncas po totus cussus tzitadinus chi tenint abisòngiu de cumpartziri sentidus, timorias e pensamentus, non tenint acanta àteras personis, non podint fau su chi ant sèmpiri fatu e sunt fintzas impensamentaus po sa pròpriu saludi e cussa de is familliaris.
Cun custu servìtziu s'Amministratzioni bolit giau una risposta cuncreta e unu sinnali de atentzioni e bixinàntzia prusatotu po is chi s'agatant in situatzionis de dificultadi particularis.
Su Servìtziu at a èssiri ativu in is dis de Lunis, Mèrcuris e Giòbia de is 9.00 a is 13.00 a su num. 347/6591411.
Po àteras informatzionis est possìbili tzerriai su Servìtziu Sotziali a su num. 0783/354528.